ПРУНАРИУ Думитру (27. 9. 1952), шаҳри Брашов), лётчики кайҳоннаварди Республикаи Сотсиалистии Руминия, Қаҳрамони Иттифоқи Советӣ (1981), Қаҳрамони Республикаи Сотсиалистии Руминия (1981). Аъзои Партияи Коммунистии Руминия аз соли 1973.
Баъди хатми Институти политехникии Бухарест (1976) чанд муддат дар заводи авиатсионӣ инженер шуда кор кард. Баъд мактаби ҳарбӣ-авиатсионии офитсеронро хатм намуда дар полки авиатсионии Армияи халқии Руминия хизмат кард. Унвони ҳарбиаш подполковник — инженер (1981). Аз марти 1978 дар Маркази тайёрии кайҳоннавардон ба номи Ю. А. Гагарин аз рӯи программаи «Интеркосмос» ба парвози кайҳонӣ тайёрӣ дид. Мувофиқи программаи киштии идорашавандаи «Союз» ва стансияи мадории «Салют» курси пурраи тайёриро гузашт. 14 май 1981 дар киштии кайҳонии «Союз-40» (ҳамроҳи Л. И. Попов) ба кайҳон парвоз намуд. Киштии «Союз-40» 15. 5. 81 ба стансияи мадории «Салют-6» қӯш шуд. Кайҳоннавардон П. Попов ва экипажи асосии «Салют-6» В. В. Ко- валёпок, В. П. Савиных дар кайҳон 7 рӯз якҷоя парвоз карданд. Баъди иҷрои бомуваффақияти программаи парвоз, ки олимони Республикаи Сотсиалистии Руминия ва СССР тартиб дода буданд, кайҳоннавардон Прунариу ва Попов 22 май 1981 бо киштии кайҳонии «Союз-40» ба Замин баргаштанд. Бо ордени Ленин ва ордену медалҳои Республикаи Сотсиалистии Руминия мукофотонида шудааст.