ПРОФИЛАКТОРИЯ, дар СССР муассисаи табобатӣ-ҷилавгирӣ, ки дар он коргарону хизматчиён аз истеҳсолот ҷудо нашуда, аз ёрии тиббӣ, тадбирҳои пешгирии беморӣ, осоишу истироҳат ва режими зарурӣ баҳра мебаранд. Профилактория ду намуд дорад: Профилакторияи умумитаб о б а т ӣ барои муолиҷаи бемориҳои дилу рагҳо, меъдаю рӯдаҳо ва ғайра. Ин Профилактория ба ташкилотҳои иттифоқи касаба итоат мекунад; Профилакторияи м а х с у с, тобеи органҳои нигаҳдории тандурустӣ барои табобати касалиҳои алоҳида (асосан сил). Дар баъзе шаҳрҳо Профилакторияҳои шабона барои пешгирии бемориҳои узви таносул ва Профилакторияҳои табобатию меҳнатӣ ташкил карда шудаанд, ки дар онҳо майзадагони аз муолиҷа саркашикунандаро табобат мекунанд.