ПРИНСПИ ГЮИГЕНСУ ФРЕНЕЛ

ПРИНСПИ ГЮИГЕНСУ ФРЕНЕЛ, усули тақрибии ҳалли масъалаҳо оид ба паҳншавии мавҷҳо, махсусан мавҷҳои рушноист. Таърифаш: дар як нуқтаи фазо, ки ба он дар лаҳзаи муайян мавҷе расидааст, дар навбати худ манбаи мавҷҳои куравии элементарӣ мешавад. Иҳотагири ин мавҷҳои нав дар лаҳзаи дигари вақт сатҳи мавҷиеро ташкил медиҳад. Фронти мавҷӣ бошад, дар натиҷаи интерференсияи мавҷҳои элементарие ҳосил мешавад, ки аз тарафи нуқтаҳои сатҳи мавҷӣ афканда шудаанд.