ПРАДО (Prado), Музейи мил л и и мусавварава муҷ а с с а м а ҳ о и Прадо музейи бадей дар Мадрид. Дар бинои мӯҳташам, ки намунаи барҷастаи класситсизми нави испан (1785—1830, аз рӯи лоиҳаи X. де Вилянуэв) мебошад, ҷойгир аст.
Соли 1819 дар заминаи коллексияҳои шоҳони Испания таъсис ёфтааст. Дар коллексияи Прадо махсусан осори санъати тасвирии асрҳои 15—19 Испания (Эл Греко, X. Рибера, Ф. Сурбаран, Д. Веласкес, Б. Э. Мурило, Ф. Гойя) мавқеи намоён дорад. Дар Прадо мусаввараҳои зиёди рассомони асри 16 италиявӣ (Рафаэл, А. дел Сорто, Титсиан ва дигарон), инчунин шоҳасарҳои мактабҳои рассомии асрҳои 15—16 нидерланд (Рогир ван дер Вейден, X. Босх, А. Мор), фламанд (П. П. Рубенс) ва франсавӣ (Н. Пуссен) маҳфуз аст.