Посёлкаи Орзу

Орзу, посёлкаи типи шаҳрӣ (аз 26 марти 1966) дар pайони Колхозободи вилояти Қӯрғонтеппа. Территорияи совхози «Гулистон». Аз Орзу то маркази район 20 километр. Аҳолиаш 8300 нафар (1981), то­ҷикон, ӯзбекҳо, русҳо ва дигар.

Дар посёлка 2 мактаби миёна, 2 мактаби 8-сола, 4 мактаби ибтидоӣ, интернат, 4 китобхона, 2 боғчаи бачагон, касалхона, дорухона, кинотеатр, 13 ма­газин, 3 ошхона, чойхона, нонвойхона, инчунин сехҳои дӯзандагӣ, таъмири пойафзол ва устохонаи оҳангарии комбинати хизмати маишии район мавҷуданд. Соҳаҳои асосии хоҷагӣ — пахтакорӣ, лимупарварӣ, чорводорӣ ва боғу токдорӣ. Замниҳо аз дарёи Вахш ба воситаи насосҳо обёрӣ мешаванд