ПОРФИРИ КВАРТСДОР

ПОРФИРИ КВАРТСДОР, ҷинси кӯҳии эффузивӣ. Порфири квартсдор дар натиҷаи ба рӯи замин баромада хунук шудани магма ҳосил мешавад. Таркибан ба гранит наздик аст. Массаи Порфири квартсдор асосан микрокристаллӣ ё шишамонанд буда, дар он кристаллҳои донамонанди квартс ва шпатҳои даштии ишқорӣ баръало намоёнанд. Дар Тоҷикистон Порфири квартсдор дар кӯҳҳои Қурама, Зарафшон, Ҳисор ва Помир ёфт ме­шавад. Дар ҷойҳое, ки Порфири квартсдор паҳн шудааст, конҳон қалъагӣ, флюорит ва дигар сарватҳои зеризаминӣ мавҷуданд.