Ҷазираи ПОЛИНЕЗИЯ

ПОЛИНЕЗИЯ (аз поли… ва юнонӣ nesos — ҷазира), ҷазтраҳои Уқёнусия, ки дар қисми марказии уқёнуси Ором воқеъ гаштааст. Полинезия ҷазираҳои Тонга (давлати мустақил аз 1970), ҷазираҳои Гавай (штати ИМА), ҷазираҳои Эллис, Феникс (мулки Британия), Токелау, галаҷазираҳои Кук (мулки Зеландияи Нав), Самоаи Ғарбӣ (давлати мустақил аз 1962), Самоаи Шарқӣ (мулки ИМА), Лайи ё Спорадҳои Полинозияи Марказӣ (мулки Британияи Кабир ва ИМА), Тубуаи, ҷазираҳои Маркиз, ҷазираҳои Ҷамъият, Туамоту (мулки Франсия), Пасха (мулки Чили) ва ғайраро дар бар мегирад. Зеландияи Навро низ ба Полинезия мансуб медонанд. Масоҳати Полинезия ( бе Зеландияи Нав) қариб 26 ҳаор км². Аҳолиаш қариб 1,2 млн нафар (1974).

Пайдоиши ҷазираҳо асосан вулқонӣ ва ё марҷонист. Релефи ҷазираҳои вулқонӣ — кӯҳсор (баландиашон зиёда аз 4000 м, ҷазираҳои Гавай 4205 м) ва ҷазираҳои марҷонӣ — пасту ҳамвор. Дар ҷазираҳои Гавай ва Самоа вулқонҳои амалкунанда мавҷуданд. Аксари ҷазираҳо бо рифҳои марҷонӣ иҳота шудаанд. Иқлими Полинезия экваторӣ ва тропикии пассатӣ.