Дарёи ПО

ПО (Ро), калонтарин дарёест дар Италия. Тӯлаш 652 км, масоҳати ҳавзааш қариб 75 ҳазор км². Аз кӯҳҳои Алпи Ғарбӣ ибтидо ёфта, асосан аз хамвории Падан ҷорӣ мешавад ва пеш аз ба баҳри Адриатика рехтан делтаи серботлоқеро (масоҳаташ қариб 1500 км²) ба вуҷуд меорад. Шохобҳои чапаш — Дора-Ринария, Дора-Балтеа, Тичино, Адда, Оло калону пуробанд; шохобҳои росташ (калонтарини онҳо дарёи Танаро) одатан камоб буда, аз нишебиҳои шимолии кӯҳҳои Апеннини Тоскапаю Эмилия сар мешаваед. Зуд-зуд обхезиҳо ба амал меоянд. Масалан, обхезиҳои солҳои 1951 ва 1966 ба аҳолӣ зарари калон расонданд. Сарфи миёнаи об дар резишгоҳ 1460 м³/сон. Давраи пуробиаш май- июн ва октябр-ноябр Обовардҳои солонаи дарё 13—15 млн тонна Оби Поро барои обёрии замниҳо истифода мебаранд; дар як қатор шохобҳои чапаш ГЭС-ҳо сохта шудаанд. Дарё то шаҳри Пячентса кпштигард аст. Шохобу каналҳо дарёи Поро бо кӯлҳои калони Комо, Лаго-Маҷоре, Гарда ва ғайра мепайванданд. Дар соҳилҳои По шаҳрҳои Турин, Пячентса, Кремона воқеанд.