Песета (исп. реseta), 1) тангаи қадимаи нуқра, ки асри 18 дар Испания ва тақрибан асри 16 дар Мексика сикка зада шудааст. 2) Воҳиди пули Испания, ки баробари 100 сентимо аст. 1 январи 1859 ба ҷой риол ҷорӣ шудааст. Июни 1864 бо эскудо иваз карда шуд. Аз нав октябри 1868 ба муомилот даромад. Песета солҳои Ҷанги якуми ҷаҳон ва хусусан солҳои Ҷанги граждании Испания (1936—1939) хеле беқурб, баъди ҷанги дуюми ҷаҳон (1939—1945) борҳо девалватсия шуд. 3) Воҳиди пули Гвинеяи Экваторӣ, ки баробари 100 сентимо аст.