Персеитҳо, сели метеор (шиҳоб), кя радианташ дар бурҷи Персей воқеъ аст. Аз 25 июл то 20 август мушоҳида мешавад. Бо кометаи 1862 III алоқаманд аст. Персеиҳо аввалин сели метеорҳост, ки алоқамандии он бо комета муайян шудааст (Ҷ. Скиапарелли, 1866).
Персеитҳо яке аз селҳои метеории фаъолест, ки визуалӣ ё бо усули фотографӣ мушоҳида мегардад. Дар Персеитҳо метеорҳои тира нисбатан каманд. Сохти Персеитҳо мураккаб буда, аз он чанд шоха ҷудо мешавад. Аз соли 830 инҷониб маълум аст.