Пероксидҳо

Пероксидҳо п а й в а с т ҳ о и пероксиди, пайвастҳое, ки атомҳои оксигени бевосита ба ҳамдигар пайвастшуда доранд. Пероксид ду хел мешаванд: органикӣ ва ғайриорганикӣ. Пероксиди органи кӣ дар таркибашон гурӯҳи—О—О -доранд, ки бо як ё ду атоми карбон пайваст шудаанд, масалан, Периксиди алкилӣ ё арилӣ (R—О— —О—R); (R — алкил ё арил), пер­оксиди асилҳо (RСО—О—О—СОR); гидропероксидҳо (R—О—О—H) ва ғайраҳо. Онҳоро асосан аз оксидонии пайвастҳои гуногуни органикӣ ҳосил мекунанд. Пероксидҳои ғайриорганикӣ бошанд, ҳангоми дар ҳаво ё оксиген сӯхтани металлҳо ҳосил мешаванд: Na₂O₂, Н₂О₂, К₂О₂ ,RbO₂, СаO₂. Маъмӯлтарин пайвастҳои пероксидии ғайриорганикӣ пероксиди гидроген мебошад. Пероксидгидратҳо низ ба пайвастҳои перонсидии ғайриоргани­кӣ мансубанд. Ин гуна пайвастҳо дар таркибашон ба ҷои оби кристаллизатсионӣ Н₂О₂ доранд, масалан, К₂СО₃ • ЗН₂О₂, СаО₂ • 2Н₂О_2.

Пайвастҳои пероксидии органикиро дар просесси полимеризатсия, вулканизатсия, реаксияҳои оксидонӣ, галогенонӣ, теломеризатсия ва дигар соҳаҳои синтези органикӣ, пайваст­ҳои пероксидии ғайриорганикиро бо­шад, ҳамчун оксидкунанда, манбаи оксиген, моддаҳои берангкунанда ва ғайра ба кор мебаранд.