Перфузия (аз лот. регfusio — рехтан, ҷорӣ намудан), усули ба рагҳои хунгузари узв, қисми бадан ё тамоми организм фиристодани маҳлулҳои физиологӣ, хун ва ғайра. Аз Перу дар физиологияи амалӣ истифода мебаранд. Вай барои фаъолияти узвҳоро муддати муайян нигоҳ доштан, функсияи онҳоро омӯхта, таъсири гормонҳо, ферментҳо, медиаторҳо ва доруворро ба организм тадқиқ кардан имкон медиҳад.
Перуро ҳангоми иваз кардани узву бофтаҳо (ниг. Трансплантация) низ ба кор мебаранд. Дар шароити муқаррарӣ аз хун таъмин кардани узвҳои бадан (масалан, Перуи гурда, мағзи сар ва ғайра)» ки ба вазъи кори дил ва тонуси рагҳои хунгузар вобаста аст, ҳамчунин Перу номида мешавад.