Периодонит (аз пери… ва юн. odontos — дандон), газаки пардаи реша ва бофтаҳои атрофи дандон. Асосан баъди кариеси дандон пайдо мешавад. Аммо аз такроран зарб хурдани дандон (масалан, аз рӯи одат газидани ангушт, қалам, мех, бо дандон кандани ришта ва ғайра) низ ба вуҷуд меояд.
Периодонтит шадид ва музмин мешавад. Ҳангоми Периодонтити шадид дарди дандон ҷонкоҳ мешавад, ком, лаб ё лунҷ варам мекунад ва баъзан ҳарорати бадан баланд мегардад. Дар мавриди Периодонтит м у з м и н аз даҳон бӯи нохуш меояд ва бемор ҳангоми хӯрокхурӣ нороҳат мешавад.
М у о л и ҷ а: пломба кардан ё кандани дандон; агар фасод ҷамъ шуда бошад, чок кардани варам; истеъмоли антибиотикҳо.