Перекоп, (Гарданаи Перекоп), қитъаи хушкист, ки нимҷазираи Қримро бо материк мепайвандад. Тӯли Перекоп 30 км, бараш 8—23 км, баландиаш то 20 м. Аз гилу рег таркиб ёфтааст. Заминаш ҳамвор, растаниҳои даштӣ ва нимбиёбонӣ мерӯянд.
Дар қисми ҷанубии Перекоп кулҳои шӯри Старое, Красное ва ғайра воқеанд, ки масоҳати онҳо аз 0,5 то 37,5 км2 аст. Аз Перекоп Канали Шимоли Қрим мегузарад. Дар Перекоп солҳои Ҷанги гражданӣ (1918—1920) ва Ҷанги Бузурги Ватанӣ (1941—1945) муҳорибаҳои шадид ба амал омадаанд.