Пентландит (аз номи сайёҳи англис Н. Пентленд), минерал, колчедани оҳану никел, таркиби химиявиаш (Fe, Ni)9S8.32,55%-оҳан, 34,22% никел, 32,23% сулфур ва аз омехтаҳо то 3% кобалт дорад.
Яке аз намудҳои Пентландити то 49% кобалт доштаро кобалтпентландит меноманд. Системаи кристалбандии Пентландит кубӣ. Ҷилояш металлӣ; рангаш зарди кушоди ба биринҷӣ монанд. Сахтиаш 3—4; зичиаш 4500—5185 кг/м3. Дар конҳои маъдани сулфур вомехӯрад. Пентландит яке аз маъданҳои асосии никел мебошад.