Пелим

Пелим, Пелими Калон, дарёест дар вилояти Свердлови РСФСР, шохоби чапи дарёи Та в да (ҳавзаи Обь). Тӯлаш 707 км, масоҳати ҳавзааш 15200 км². Аз нишебии шарқии Урали Шимолӣ ибтидо ёфта, аввал аз доманаи каторкӯҳҳои Урал, баъд аз ҳамвории Сибири Ғарбӣ ва дар поёнобаш аз кули Пелимский Ту­ман ҷорӣ мешавад.

Манбааш асосан барф. Сарфи об ба ҳисоби миёна қариб 100 м³/сон. Аз октябр то апрел дарё яхпӯш аст. Дар Пелим салкашӣ мекунанд. Дарё аз резишгоҳаш ба масофаи 245 км киштигард аст.