Пастии ҷануби Каспий, пастиест дар шимоли Эрон, дар назди со- ҳилҳои ҷанубии баҳри Каспий. Тулаш 525 километр, бараш 2—6 километр, дар делтаи дарёҳои Сафедрӯд ва ғайра то 40 километр. Иқлимаш субтропикӣ, боришоти солона беш аз 1000 миллиметр.
Ҷо-ҷо бешаҳои булут, момроз ва роздор воқеъ гаштаанд, ки пур аз буттазор ва дарахтони дулонаю олучаанд. Дар мурдобаю ботлоқзорҳои делтаи дарёҳо қамиш мерӯяд. Қамишзорҳо ҷои зи- мистонгузаронии мурғони обист. Конҳои нефт, газ ва ангиштсанг дорад. Дар ин ҷо шолӣ, чой, пахта ва ғалла мекоранд, плантасияи растаниҳои ситрусӣ ва боғу токзорҳо мавҷуданд. Шаҳрҳои асосиаш: Рашт ва Сарӣ.