Пашенко Леонид Никитич (таваллудаш 20. 2. 1936, ш. Тираспол, РСС Молд.), шоири советии рус. Аз оилаи хизматчии ҳарбӣ. Аъзои КПСС аз соли 1964. Дар аввали Ҷанги Бузурги Ватанӣ (1941—1945) ба Тошкент омад. Институти давлатии педагогии шаҳри Тошкентро хатм намуд (1959). Солҳои гуногун дар газетаю журналҳои Ӯзбекистон, Украина ва Тоҷикистон кор кард. Аз соли 1970 котиби масъули журнали «Памир».
Муаллифи маҷмӯаи ашъори «Мамлакати паррандаи кабуд» (1971), повести ҳуҷҷатии «Китоби дашт» (1974, дар мавзӯи аз худ намудани заминҳои навкорам), маҷмӯаи достону балладаҳои «Майд о н и Путовский» (1078), «Суханҳои оддӣ» (1983), китоби очеркҳои «Дар домони офтоб» (бо ҳамроҳии М. Муллоҷонов. Киев, 1980). Сенарияи филмҳои ҳуҷҷатии «Замини ман, Ашт», «Противогаз барои марди савора» ва ғайра ба қалами ӯ гааллуқ дорад. Бисёр асарҳои М. Миршакар, Муъмин Қаноат, Лоиқ. Б. Собир, Сорбон, Ш. Ёдгорӣ ва дигаронро ба забони руси тарҷума кардааст. Шеърҳояш ба забонҳои тоҷикӣ, украинӣ, ӯзбекӣ, Франсавӣ ва полякӣ тарҷума шудаанд. Аз соли 1973 узви ИН СССР.