Партияи Африкоии Истиқлоли Сенегал (ПАИС), соли 1957 таъсис ёфт. Съезди 1-уми Партияи Африкоии Истиқлоли Сенегал, ки соли 1963 барпо гардид, программаи партияро тасдиқ кард, ки он аз ду қисм иборат буд: программаи минимум, ки вазифаҳои мустаҳкам кардани истиқлолияти: сиёсию иқтисодӣ ва барпо намудани давлати демократияи миллиро муайян кард; программаи максимум, ки дар он мақсади сохтмони ҷамъияти сотсиалистӣ ифода карда шудааст. Съезди 2-юми Партияи Африкоии Истиқлоли Сенегал (1972) программаи партияро аниқтар карда, вазифаҳои муҳофизати манфиатҳои ҳаётан зарури табақаҳои меҳнаткашон ва барпо кардани фронти васеи қувваҳои миллӣ- демократӣ ва ватандӯстро дар навбати аввал гузошт.
Партияи Африкоии Истиқлоли Сенегал аз мамлакат баровардани қӯшунҳои Франсия, миллӣ кардани соҳаҳои асосии иқтисодиёт ва васеъ намуданиҳдуқуқҳои сиёсӣ ва озодии меҳнаткашонро талаб мекунад.
Партияи Африкоии Истиқлоли Сенегал дар сафарбар кардани меҳ- наткашон ба мубориза баҳри истиқлолияти мамлакат мавқеи муҳим дошт. Доираҳои ҳукмросни Сенегал аз афзоиши таъсири пурзӯри партия тарсида, соли 1960 фаъолияти онро манъ карданд. Аз соли 1960 то 1976 партия дар пинҳонкорӣ муборизаро давом дод. Партияи Африкоии Истиқлоли Сенегал баъди аз пинҳонкорӣ баромадан барои мустаҳкам кардани нуфузи худ дар байни омма кори зиёдеро вусъат дод. Партияи Африкоии Истиқлоли Сенегал ба як қатор ташкилотҳои иттифоқҳои касаба ва ҷавонон такя мекунад.
Партияи Африкоии Истиқлоли Сенегал ҳуҷҷатҳои Маҷлиси машваратии байналхалқии партияҳои коммунистӣ ва коргариро (1969) маъқул донист. Партияи Африкоии Истиқлоли Сенегал ба тарафдории муттаҳид шудани ҳаракати байналхалкии коммунист дар асоси марксизм-ленинизм, бар зидди идеологияи маоизм баромад мекунад.
Партия дар асоси принсипҳои сентрализми демократӣ сохта мешавад. Органи роҳбарикунандаи Партияи Африкоии Истиқлоли Сенегал — Комитети Марказӣ, Бюрои сиёсӣ. котиботи Бюрои сиёсӣ. Раиси Партияи Африкоии Истиқлоли Сенегал—М. Диои, котиби генералиаш — Б. Гуҷбй. Органи марказии Партияи Африкоии Истиқлоли Сенегал — г. «Момсарев».