Парабола (юн. рагаЬоlе — наздикшавӣ), хати бурияши конуси мудаввар ва ҳамворие, ки ба ягон ҳамвории ба ҳамии копус расанда параллел аст (расми 1). Дар математика чунин таърифи Парабола бештар маълум аст: Парабола ҷои геометрии нуқтаҳои ҳамворӣ мебошад (расми 2), ки аз нуқтаи ба истилоҳ фокус (Г) ва аз хати роста ба истилоҳ директриса (МN) дар як хел масофа воқеанд. Хати росте, ки аз фокус гузашта, ба директриса перпендикуляр меӣошад, м е ҳ в а р ӣ Параӣола ва нуқтаи буриши меҳвару Парабола қ у л л а и Парабола ном дорад.
Муодилаи Парабола дар системаи координатаҳои росткунҷа у2 = 2 рх аст (р — дарозии порчаи FN). Бузургии р параметри Парабола номида мешавад. Парабола хати тартиби дуюм мебошад. Агар сеузваи квадратии у = ах2 + Ьх + с- ро дар нақша тасвир кунем, Парабола ҳосил мешавад. Парабола хати каҷи беинтиҳои нисбат ба меҳвар симметрист.
Агар дар фокуси Парабола манбаи рӯшноиро ҷой диҳем, шӯоъҳои аз Парабола инъикос шуда дастаи шӯоъҳои параллелро ташкил медиҳанд, зеро хати росте (PF), ки нуқтаи дилхоҳи Пабабола (Р)-ро бо фокус мепайвандад ва хати рости ба меҳвар параллел бо нормал (РR) кунҷҳои баробарро тешкил медиҳанд. Ин хосияти Параболаро дар таҷҳизоти прожекторӣ истифода мебаранд. Ниг. низ Буришҳои конусӣ.