ПОТЕНСИАЛИ ЭЛЕКТРОДӢ

ПОТЕНСИАЛИ ЭЛЕКТРОДӢ, фарқи потенсиалҳои электрии байни электролит ва электроди андаруни он. Потенсиали электродӣ дар натиҷаи аз ҳадди тақсими фазаҳо гузаштани зарраҳои заряднок, адсорбсияи махсус ориентатсионии ионҳо (ҳангоми мавҷудияти молекулаҳои қутбнок) ба вуҷуд меояд. Фарқи мутлақи потенсиали байни нуқтаҳои дар ду фазаи гуногун ҷой гирифтаро амалан чен ва ё ҳисоб кардан мумкин нест. Бинобар он аз потенсиали нисбии электродӣ истифода мебаранд, ки он фарқи Потенсиали электродӣ электродии муоинашаванда ва электроди муқоисавиро мемонад.