Главная / Маданият ва санъат / Орлова Любов Петровна

Орлова Любов Петровна

Орлова Любов Петровна (11. 2. 1902, Звенигород, ҳозира вилояти Моск­ва — 27. 1. 1975, Москва) актрисаи советии рус, Артисти Халқии СССР (1950). Дар Кон­серватория (1919 —22) ва техникуми театрии Моск­ва (қисми хореографӣ; 1922—25) таҳсил намудааст. Солҳои 1926—33 дар Театри мусиқии ба номи В. И. Не­мирович-Данченко кор кардааст. Фаъолияти эҷодии акт­риса бо ташаккули мусиқии советӣ зич алоқаманд аст.

Дар филмҳои мусиқии режиссёр Г. В. Александ­ров — «Бачагони хушҳол» (1934; Анюта), «Сирк» (1936; Марион Дик­сон), «Волга-Волга» (1938, Дуня), «Роҳи сафед» (1940; Таня) «Баҳор» (1947, ду рол — профессор Никити­на ва актриса Шатрова) ва филмҳои «Вохӯрӣ дар Элба» (1949, Жа­нет Шервуд), «Армуғони русӣ» (I960; Варвара Комарова)* образҳои фаромӯшнашаванда офаридааст.

Аз соли 1955 то охири умр дар Театри ба номи Моссовет кор мекард. Ролҳои намоёнаш дар ин театр Ҷесси («Масъалаи русҳо»-и К. Симонов), Патрик Кэмпбелл («Дурӯғгӯи меҳрубон»-и Килта) ва ғайра Лауреати Му­кофоти давлатии СССР (1941, 1950). Бо ордени Ленин, ду ордени дигар ва медалҳо мукофотонида шудааст.

Дар борамон M. A.

Инчунин кобед

books

САФАРНОМА

САФАРНОМА, як ҷузъи адабиёти илмии оммавӣ, илмии фантастикӣ, бадеии психологӣ, саргуааштӣ, ҳуҷҷатӣ, ки сюжеташ ба …