Олуиҳо

Олуиҳо (Prunoideae), зероилаи растаниҳои бисёрсолаи ҳамешасабз ё хазонрезесг мансуби настараниҳо.

Гулҷояшон каму беш фурӯхамида, бештар найчашакл буда, 10—12 гардбарг, 1 ва баъзан 2 ё 5 мевабарг донакмеваи яктухма, баъзан дутухма доранд. Ба Олуиҳо аксари дарахтҳои мевадеҳ зардолу, шафтолу, олу, олуча, олуболу, гелос ва ғайра мансубанд. Олуиҳо тез месабзанд; бинобар ин онҳо растаниҳои зудмевадеҳ ба шумор мераванд.

Бештари намудҳои Олуиҳо дар шароити иқлими гарми ноҳияҳои ҷанубӣ ба вуҷуд омадаанд; аз ин сабаб онҳо аз ҷиҳати экологӣ ба иқлими гарму хушки Осиёи’ Миена мутобиқ шудаанд. Давраи оромии Олуиҳо хеле кӯтоҳ буда, барвақт гул ме­кунанд. Дар шароити Тоҷикистон зуд нашъунамо меёбанд ва аз ҳама пеш мева медиҳанд.

Адабиёт: Розанов В. С., Данилов В. Л., Скороход С. Т., Плодоводство Таджикистана, Душанбе, 1970.