Олу (Prunus), ҷинси бутта ё дарахт мевадорест аз оилаи настараниҳо. Баландиаш аз 1 то 12 метр. Баргаш мудаввар, дарозрӯя ё нештаршакл, гулаш сафед, сабзтоб ё гулобӣ, ҷудогона ё 2—5-тои дар навдаи кӯтоҳ воқеъ шудааст. Мевааш зард, сабз, сурх, қирмизӣ ё сиёҳи кабудтоб (аз 6 то 100 грамм) мудаввар ё тухмшакл.
Дар Европа, Осиё ва Америкаи Шимоли зиёда аз 30 намуди Олу мерӯяд. Дар Тоҷикистон 3 намуди худрӯй ва 5 –намуди Oлуи мазрӯъ ё худрӯйшуда (Олуи муқаррарӣ, кӯксултон — Р. nachichova- nica, заролу—Р. salicina, сурхолу — P.simonii, Р. arasifera var. pissardii) месабзад. Махсусан Олуи муқаррариро дар бисёр кишварҳои ҷаҳон мепарваранд.