Олигофагия (аз олиго… ва юн. phag6in — хӯрдан, ҳарисона хӯрдан), қобилияти навъи ками хӯрокро хӯрдани хайвонот (олигофагҳо) Олигофагия ба монофагия (хӯрдани фақат як навъи хӯрок) ва полифагия (хӯрдани навъҳои зиёди хӯрок) муқобил гузошта мешавад.
Олигофагия ба ҳашарот ва бандпойҳои дигар — тортанакҳо, канақо, харчангшаклҳо хос буда, дар байни кирмҳо, нармбаданҳо, моҳиҳо, паррандаҳо (ҳашаротхӯр, донхӯр, мевахӯр, соҳибчангол — моҳихӯр, орнитофагҳо), ширхорҳо (алафхӯр, мевахӯр, гулмакҳо ва ғайра) низ вомехӯрад. Олигофагҳо дар бешаҳои тропикӣ бисёр шуда, дар арзҳои мӯътадилу баланд нисбатан каманд.