Олгерд Алгирдас, князи кабири Литва дар солҳои 1345—77, писари Гедимин. Барои васеъ кардани ҳудуди Литва мубориза бурд. Иштирокчии мудорибаҳои зидди Ордени Тевтон. Соли 1363 назди Синие Води қӯшуни тоторҳоро торумор кард. Мулкҳои меросии князиҳои Чернигов — Северск, заминҳои Киев, Подолск, Волын ва дигарро забт ва князии Смоленскро ба Литва тобеъ кард.
Кӯшиш намуд, ки Псков ва Новгородро зердаст кунад, вале комёб нашуд. Олгерд соли 1349 хост бо хон Ҷонибек бар зидди Москва иттвфоқ бандад, аммо ба мақсад нарасид. Олгерд солҳои 1368—72 Тверро дар ҷанги зидди Москва дастгирӣ намуд ва се юриши худаш (1368, 1370, 1372) ба Москва муваффақият пайдо накард.