Оқтеппа, оташкадаи мансуб ба асрҳои 5—6 дар ҳудуди деҳаи Оқтеппа, 6 километр шарқтари маркази pайони Нови вилояти Ленинобод. Солҳои 1965—68 аз тарафи отряди археологии Институти таърихи Академияи Фанҳои Республикаи Советии Сотсиалистии Точикистон таҳти роҳбарии У. Пулодов тадқиқ гардидааст. Оқтеппаро дар теппае аз хишти хом сохтаанд. Он аз ҷаҳор роҳрави 14,1- метраи ба ҳам пайваст ва як хонаи мураббаи 6,7 X 6,7 метр иборат аст.
Хона, ки дар миёнаҷост, чаҳор дар дорад ва оид ба чаҳор роҳрав кушода мешаванд. Дар миёнаи хона осори оташдопи чоркунҷае ёфт шуд, ки дар он оташи муқаддас ҳамеша фурӯзоп будааст. Дар чаҳор кунҷи Оқтеппа чаҳор бурҷи мудаввар ҳаст, ки онҳо аз тарафи шимоли ғарбӣ ду қатор тиркаш доранд. Дар зери яке аз ин бурҷҳо чоҳе кушода шуд, ки вай Оқтеппаро тавассути роҳи зеризаминӣ бо канали қадимии Қунғуротсой ва чашма мепайваст. Бурҷҳо мудаввар буданд ва ин имкон медод, ки муҳофизон ба се тараф тир парронанд.
Дертар дар атрофи оташкада биноoои дигар сохта шуданд, вале аз онҳо осори ночизе боқӣ монда аст. Бошандагони Оқтеппа бо деҳқонӣ ва чорводорӣ машғул будаанд. Дастосҳо, досҳои оҳанӣ, донаҳои нимсӯзи гандум, ҷав, арзан, устухонҳои чорвои хонагии ёфтшуда аз ин шаҳодат медиҳанд. Зарфҳои сафолӣ бошанд, далели дараҷаи баланди тараққиёти санъати кулолианд. Аз Оқтеппа инчунин корду ханҷарҳо, ашёи зинати занона, пайкону нӯги найза ва ғайра ёфт шуданд. Оқтеппа аввалин оташкадаи тадқиқшудаест дар Тоҷикистон.
Адабиёт: П у л а т о в У. П., «Дом огня» в Уструшане. Тесячы докладов конференции «Ранне средневековая культура Средней Азии и Казахстана», Душанбе 1977.