Октава

Октава (аз лотинӣ octava — ҳаштум), дар мусиқӣ, 1) фосилаест, ки ҳашт зинаи қаторовози диатоникӣ ё шаш пардаи яклухтро дарбар мегирад: 1 октава = 1200 сент  301 савар. 2) Зинаи ҳаштуми қаторовози диатоникӣ. 3) Як қисми қаторовози мусиқӣ, ки ба он зинаҳои асосии мусиқӣ (до, ре, ми, фа, соль, ля, си) ё дувоздаҳ гаммаи хроматикии нимпардагӣ дохил мешаванд.

Тамоми қаторовозҳои дар мусиқӣ маъмул аз ҳафт октаваи пурра ва ду октаваи нопурра иборат мебошанд. Онҳо аз поён ба боло ин тавр ҷой гирифтаанд: субконтроктава (фақат се овози болоӣ — ля, си моль, си), конт­роктава, Октаваи калон, Октаваи хурд, Октаваи якум, Октаваи дуюм, Октаваи сеюм, Октаваи чорум, Октаваи панҷум (як овози поёнии до).