Оқсукон, кӯли шӯрест дар райони Ашти вилояти Ленинобод., Дар соҳили рости дарёи Сир, дар доманаи кғҳи Қизилҷар воқеъ аст. Масоҳат 8,8 километр2, тӯлаш 5 километр, бараш то 2,5 километр; чуқуриаш қариб 1 метр.
Баҳорон кӯл аз обҳои барфу борон пур мешавад, тобистон обаш дар натиҷаи бухоршавии зиёд хушк шуда, қабати намак боқӣ мемонад. Ҷое, ки дар зери намак ҷамъ шудааст, шифобахш аст. Соли 1951 дар назди кӯл табобатхона ку- шода шуд. Аз лои Оқсукон дар шифохонаҳои Ленинобод, Хоҷаобигарм, Оби- гарм, Тошкент, Фарғона, Чортоқ истифода мебаранд.