Оксидоредуктазаҳо

Оксидоредуктазаҳо, ферментҳое, ки реаксияҳои оксиду барқароршавиро катализ мекунанд. Оксидоредуктазаҳо дар ҳамаи ҳуҷайраҳои зинда ҷой доранд. Онҳо ба гурӯҳҳои спиртӣ (—ОН), алдегидӣ (—СНО), кетонӣ (>СО), этилӣ (—СН₂— ОН₂—), инчунин шаклҳои барқароршудаи коферментҳои пиридиш) — никотинамида- дениндинуклеотид (НАД) ва нико- тинамидадениндинуклеотид фосфат (НАДФ) ва ғайра таъсир карда, онҳоро оксид менамоянд.

Бештар аз 200 хели Оксидоредуктазаҳо маълуманд ва муҳимтарина- шон дегидрогеназаҳо (ҳангоми нафаскашӣ ва фотосинтез гидроген ва электронҳоро мекашонанд), ок­сидазаҳо (роли оксидкунандаро ок­сиген мебозад), гидроксилазаҳо (ба моддаи оксидшаванда як атоми оксигенро медиҳанд), оксигеназаҳо (ба моддаи оксидшаванда ду атоми оксигенро медиҳанд) мебошанд.