Округи ҳарбии ордени Байрақи Сурхдори Осиёи Миёна, қисмҳои ҳарбӣ, соединенияҳо ва муассисаҳои харбӣ, ки дар территорияи РСС Тоҷикистон, РСС Қазоқистон, РСС Қирғизстон воқеъ аст. Бо округи ҳарбии Туркистон алоқаи узвӣ дорад. Бо фармони Совети ҳарбии револютсионии республика аз 4 июни 1926 Фронта Туркистон ба Округ табдил дода шуд ва территорияи РСС Ӯзбекистон, РСС Туркманистон РАСС Қазоқистон (аз соли 1936 республикаи иттифоқӣ), РАСС Тоҷикистон(аз соли 1929 республикаи иттифоқӣ) вилояти автономии Қароқалпокистоп (аз соли 1932 республикаи автономӣ) ба ҳамин округ итоат мекард.
Округ дар солҳои Ҷанги Бузурги Ватанӣ (1941—45) барои тайёр кардани қӯшуни эҳтиётӣ ба армияи амалкунанда ва таъмини бехатарӣ дар сарҳадҳои ҷанубӣ тадбироти муҳим ба ҷо овард. Соли 1945 Округ ба Округи ҳарбии Дашт ва Округи ҳарбии Туркистон тақсим шуд. Округи ҳарбии Дашт территорияи РСС Қазоқистон (ғайр аз вилоятҳои Қазоқистон Ғарбӣ, Гурев ва Актюбинск)-pо, Округи ҳарбии Туркистон территорияи РСС Тоҷикистон РСС Ӯзбекистон, РСС Туркманистон, РСС Қирғизистонро дар бар гирифт. 13 феврал 1946 бо фармони Комиссариати мудофиаи халқии СССР Округи ҳарбии Дашт барҳам дода шуд ва қӯшунҳои он аз ҷиҳати ташкилӣ ба таркиби Округи ҳарбии Туркистон даромаданд.
Июни 1969 дар қисми территорияи Округи ҳарбии Туркистон боз Округ ташкил ёфт. Ба Округ дар қатори соединенияҳои дигар дивизияи гвардиягии мототирандозии ба номи Қаҳрамони Иттифоқи Советӣ И. В. Панфилов дохил аст. Барои тайёр намудани ҷанговарон яке аз полкҳои ин дивизия бо ордени Байрақи Сурхи ҷангӣ тақдир карда шуд. Барои саҳми худ дар мудофиаи Ватан ва тайёрии сиёии ҷанговарон Округ соли 1975 Ордени Байрақи Сурхи ҷангӣ гирифт. Фармондеҳи қӯшунхои Округ генерали армия Н. Г. Ляшко (1969—78) буд, аз соли 1978 генерал-полковник П. Г. Лушев.