Окладников Алексей Павлович (3. 10. 1908, деҳаи Тыпта, ҳозира pайони Жигалови вилояти Иркутск —18. 11. 1981, Москва), археолог, муаррих ва этнографи советӣ, академики Академияи Фанҳои СССР (1968; аъзо-корреспондент, 1964). Қаҳрамони Меҳнати Сотсиалистӣ (1978).
Ҳодими Хизматнишондодаи Илми РАСС Ёқут, (1956), РСФСР (1957), РАСС Бурят, (1968) ва PCС Тоҷикистон (1978). Аз оилаи муаллими деҳот. Аъзои КПСС аз соли 1946. олҳои 1934—49 аспирант ва ҳодими илмии Шуъбаи ленинградси Институти археологияи Академияи Фанҳои СССР, 1949— 51 ҷонишини директор ва мудири шуъба, 1954—61 мудири сектора палеолити ҳамин институт. Аз соли 1961 мудири шӯъбаи илмҳои ҷамъиятшиносии Институти иқтисодиёти Шӯъбаи сибирии Академияи Фанҳои СССР; аз соли 1966 директора Институти таърих, филология ва фалсафаа Шӯъбаи сибирии Академияи Фанҳои СССР; аз соли 1962 профессо ва мудири кафедраи таърихи Университети Новосибирск. Дар Сибир, Шарқи Дур, Осиёи Миёна ва РХМ тадқиқоти археологӣ тузаронд.
Окладников солҳои 1953—59 дар вилояти Ленинобод, районҳои Ҳисор, Данғара, Орҷоникидзеобод, Норак ва ғайра ҳафриёти археологӣ гузаронида, маданияти Қайроқум, маданияти Ҳисор, ёдгориҳои Навкат, Хоҷаи- гор, Хоҷаиягона, Кӯҳи Бӯлиён ва ғайраро, ки ба давраҳои гуногуни асри сайт мансубанд, кашф кард ва омӯхт. Тадқиқотҳои археологии Окладников барои олимони тоҷик дар омӯзиши асри санг чун дастуруламал хизмат мекунад. Окладников боқимондаҳои одами неандерталиро аз мағораи Тешиктоши Ӯзбекистон, осори маданияти палеолитро дар мавзеъҳои Сибир ва РХМ, тасвирҳои руисангии ҷамоаи ибтидоиро дар соҳилҳои Лена, Ангара, Наздиамур ва РХМ кашф ва тадқиқ кард, инчунин осори маданияти асрҳои биринҷӣ ва оҳанро дар Сибир ва Шарқи Дур дарёфт намуд.
Окладников роҷеъ ба таърихи ҷамоаи ибтидоӣ ва маданияти он, санъати давраи палеолит ва неолит, таърихи Осиёи Миёна, Сибир, Шарқи Дур, Шимоли Ақсо ва ғайра аз давраи қадимтарин то асри 18 бештар аз 600 таълифоти илмӣ дорад. Ӯ раиси Шурои илмӣ оид ба таърихи Сибир ва Шарқи Дур, аъзои фахрии Академияи Фанҳои Британия ва Муғулистон мебошад. Иштирокчии як қатор конгресс, сессия ва конференсияҳои илмии байналхалқӣ, иттифоқӣ, республикавӣ, вилоятӣ, аз ҷумла симпозиуми «Шарқу Ғарб» (Токио, 1957), конгрессҳои 7- ум ва 8-уми байналхалқии илмҳои антропология ва этнография (Москва, 4964; Токио, 1968) .ва ғайра мебошад.
Лауреата Мукофотҳои давлатии СССР (1950, 1973). Бо 2 ордени Ленин, 3 ордени дигар, медалҳо ва Грамотаҳои Фахрии Президиуми Совети Олии як қатор республикаҳои иттифоқӣ мукофотонида шудааст. Сақми Окладников дар кори тайёр намудани кадрҳо барои Осиёи Миёна; аз ҷумла Тоҷикистон калон аст.
Асос: Очерки на истории западных бурят-монголов (XVII—XVIII вв.), Ленинград, 1937; Неолит и бронзовый век Прибайкалья, частӣ 1—3, Москва—Ленинград, 1953—55; Исследование памятников каменного века в бассейне Сыр-Дарья осенью 1955 г. «Тр. АН Таджикской ССР», том LXIII. 1956; Олень Золотые Рога, Москва— Ленинград, 1964; Петроглифы Ангары, Москва—Ленинград, 1966; Палеолит и мезолит Средней Азии. «Средняя Азия в эпоху камня и бронзы», Москва— Ленинград, 1966; Утро искусства, Москва— Ленинград, 1967; Центральноазиатский очаг первобытного искусства, Новосибирск, 1972.
Аабиёт.: Известия Академии Наук Таджикской ССР (отделение общественных наук), .N* 2, 1978.