Оқҷар, деҳа, маркази Совети қишлоқи Арали райони Восеъ, вилояти Кӯлоб. Территорияи колхози ба номи Владимир Илич Ленин. Аз Оқҷар то маркази район 18 километр; роҳ асфалтпӯш. Аҳолиаш 3650 нафар (1981), тоҷикон. Дар Оқҷар мактаби миёна, 3 китобхона, клуб, хонаи маданият, пункти тиббй, дорухона, боғчаи бачагон, шуъбаи алоқа, узели радио, АТС, кассаи амонатӣ, 3 магазин, меҳмонхона, сехҳои либосу пойафзолдӯзӣ, дуредгарй, сартарошхона, ошхона, нонвойхона, ҳаммом, устохонаи таъмирн техникаи хоҷагии қишлоқ, идораи бинокорн ва боғи маданияту истироҳат ҳастанд.
Оқҷар инчунин фермаи механиконидашудаи чорво дорад. Соҳаҳои асосии хоҷагӣ — пахтакорй, ғаллакорӣ, боғу токдорӣ, обчакорӣ, чорводорӣ, кирмакдорӣ. Заминҳо аз дарёи Сурхоб обёрӣ мешаванд. Дар маркази деҳа ҳайкали Владимир Илич Ленин, ёдгорӣ ба хотираи шаҳидони Ҷанги Бузурги Ватанӣ ва ҳайкали Қаҳрамони Меҳнати Сотсиалистӣ Давлат Файзалиев гузошта шудааст,