Офтоби оламтоб

«Офтоби оламтоб» — тазкира, таълифи Муҳаммадсодиқхони Ахтар — шоир ва насрнависи Ҳиндустон (асри 19). Дар феҳристҳои китобхонаҳои дунё ягон нусхаи «Офтоби оламтоб» тавсиф нагардидааст.

Мувофиқи маълумоти Музаффар Ҳусайни Сабо (тазкираи «Рӯзи равшан»), ки қисми зиёди ин тазкираро дар асари худ овардааст, таълифи он соли 1823 оғоз шуда соли 1854 анҷом ёфтааст. «Офтоби оламтоб» маълумоти мухтасари тарҷумаи ҳолӣ ва намунаи осори 4264 шоири мутақаддим ва муосирони муаллифро дар бар мегирифтааст.