Обхӯра, обхӯр, обишхӯр, обишхар, обишхор, 1) ҷои обхӯрӣ ё обгирӣ дар лаби ҳавзу наҳр; 2) ҷои истиқомат, макон, манзил; 3) о б х ӯ р а и автоматӣ, асбоби автоматисот барои обхӯрии ҳайвоноти хоҷагии қишлоқ. Обхӯра ҷудогона ва гурӯҳӣ мешавад. Обхӯраи ҷудогона барои об додани гови шохбанд ва хукҳо, ки дар хоначаҳои алоҳида парво мекунанд, истифода мешавад.
Обхӯраи гурӯҳиро барои об додани говҳои озод парвоёбанда, хуку гусфандоне, ки гурӯҳ-гурӯҳ парвариш мекунанд, инчунин паррандаҳои дар катакҳои фарох парваришёбанда ба кор мебаранд. Обхӯраи гурӯҳиро инчунин дар чарогоҳҳои тобистона ва майдонҳои кушод ба хор мебаранд. Обхӯраи муқимӣ ва сайёр мешавад. Обхӯраи сайёрро одатан дар чарогоҳҳои тобистонаи аз об дур истифода мебаранд.
Зимистон оби Обхӯраро гарӣ мекунанд. Барои ин ба системаи Обхӯра насос, ки он аз муҳаррики электрӣ ба кор медарояд, обгармкунаки электрӣ ва баки омезиш ки ба он об аз обгузар меояд, васл карда мешавад. Насос ва обгармкунаки электриро танҳо рӯзҳои хунук ба кор мебаранд.
Адабиёт: Луговский М. В., У с а к о в- с к и й В. М. Бородачев П. Д., Справочник по механизации и водоснабжению животноводческих ферм, Москва, 1966.