Обченкунак (Amphibiocorisae, Gerromorphа), якчанд оилаи ҳашарот (Hydrometridae, Mesoveliidae, Hebridae ва Gerridae)-po гӯянд, ки ба ганданафасакҳои обӣ мансубанд. Танааш борики дарозрӯя (дарозиаш 2—34 миллиметр) аст: пойҳояш дароз буда, барои дар об озод ҳаракат кардан ё тез лағжидан мувофиқ шудааст. Қисми поёни танааш бо мӯякҳои нуқрагуни тарна- шаванда пӯшида шудааст. Аксарияти Обченкунак бол надорад.
Дар рӯи об ё дар ушвазори рутубатнок зиндагӣ мекунад. Обченкунак дарранда буда, ҷасади ҳайвонҳои буғумпойро мемакад. Қариб 600 намудаш дар ҳама ҷо паҳн гаштааст. Дар обҳои ширини СССР бисёртар Gerris lacustris дучор мешавад. Дар Тоҷикистон кариб 15 намудаш (Hydrometra stagnorum, Н. gracilienta, Limnoporus rufosutella- tus, velia affinis ва г.) маълум аст. Heterobates dohrandti (нигаред расм) хоси дарёҳои Осиёи Миёна (аз ҷумла Кофарниҳон ва Вахш) мебошад.
Адабиёт: Кириченко А. Н., Полужесткокрылые (Hemlptera-Heteroptera) Таджикистана, Душанбе, 1964.