Нуров Лочин

Нуров Лочин (таваллуд 1934, деҳаии Пилдони райони Ҷиргатол), пахтакор, Қаҳрамони Меҳнати Сотсиалистӣ (1972). Аъзои КПСС аз соли 1963. Солҳои 1950—52 колхозчӣ, 1952—53 талабаи мактаби  механи­заторӣ, 1953—54 тракторчӣ, 1954— 55 дар сафи Армияи Советӣ, 1958— 62 бригадир-механик ва сардори бригадаи механи­конидашудаи комплексӣ ва аз соли 1965 сардори бригадаи пахтакории колхози ба номи М. В. Ломоносови райони Шаҳртуз. Бо ордени Ленин, ордени Револютсияи Октябр, медалҳо, аз ҷумла 2 медали тиллою 2 медали нуқраи НКХХ СССР ва Грамотаи Фахрии Президиума Совети Олии РСС Тоҷикистон мукофотонида шудааст.