Нуриҳои сулфурдор, пайвастҳои сулфурдорест, ки чун нурӣ истифода мешаванд. Масалан, сулфатҳои калий, магний, фосфор, гипс ва дигар ҷинсҳои сулфурдор. Нуриҳои сулфурдор махсусан барои зироати лубиёиҳо, мураккабгулҳо, чилликгулҳо, ки одатан ба сулфур эҳтиёҷи зиёд доранд, истифода бурда мешавад. Нуриҳои сулфурдор ишқори хокро кам карда, ҳалшавии фосфатҳоро метезонанд. Нуриҳои сулфурдорро ба хок тирамоҳ пеш аз шудгор ё аввали баҳор пеш аз кишт (30—50 килограмм/гектар) меандозанд.