Нуқтаи материалӣ, дар механика мафҳумест дар бораи объекти андозааш беинтиҳо хурд (вале ба ҳар ҳол дорои масса). Мавқеи Нуқтаи материалӣ дар фазо чун мавқеи нуқтаи геометрӣ муайян карда мешавад, ки ин ҳалли масъалаҳои механикиро хеле осон мекунад.
Дар амал ҳар як ҷисми додашударо, ки ҳаракати пешраванда аст ё масофахои тайкардаи нуқтаҳои ин ҷисм нисбат ба андозаҳои худи он хеле бузурганд, чун Нуқтаи материалӣ муоина кардан мумкин аст. Ҳангоми харакати ҳар гуна системаи механикӣ (аз он ҷумла, ҷисми сахт) маркази массаҳои он (маркази вазнинӣ) чун Нуқтаи материалӣ харакат мекунад, ки массааш ба массаи тамоми система баробар буда, аз таъсири хамаи қувваҳои берунаи ба система гузошташуда бояд харакат мекард.