Нормаи кишт, меъёри муайяни кишти тухмист ба 1 га. Нормаи кишт ба навъи зироат, ҳосилхезии замин, тухмӣ, мӯҳлат, усулҳои кишт ва ғайра вобаста аст. Нормаи кишти як намуди зироат низ гуногун шуданаш мумкин. Macолан, Нормаи кишти зироати силосбоб назар ба зироати ғалла зиёд аст. Нормаи кишт барои ноҳияҳои шимоли СССР назар ба ноҳияҳои ҷануб зиёдтар мебошад. Macалан, Нормаи кишти гандуми баҳорӣ барои ноҳияхои шимолӣ 6—7 млн дона тухмӣ (ба 1 га), барои ноҳияҳои ҷанубу шаррқӣ 3,5—5 млн дона тухмӣ муқаррар шудааст.
Тухмӣ бояд 100% неш занад. Масалан, агар Нормаи кишти тухмӣ 4 млн дона бошаду 94%-и тухмӣ неш занад, он гоҳ меъёри кишти он ин тавр мешавад:
= 4,4 млн дона
Барои ба ҳисоб гирифтани вазни тухмӣ одатан, шумораи тухмиро ба вазни 1000 дона зарб мезананд. Агар вазни 1000 дона тухмӣ 40 г бошад, он гоҳ Нормаи кишти тухмӣ 4,4 млн • 40 = = 176 кг мешавад.