Номаи иҷроия, дар СССР навъи хуҷҷати иҷро. Ҳуҷҷатҳои идораи нотариалӣ, ки талаби ситопидани пул ё супоридани ашёи дигарро тасдиқ намуда, зарурати ба суд ё арбитраж муроҷиат намуданро истисно мекунад. Феҳристи ҳуҷҷатҳое, ки мувофиқи онҳо дар асоси номаи иҷрояи маҷбуран ситонида гприфтан мумкин бошад, бо қарори ҳукумати республикаи иттифоқии дахлдор тасдиқ мешавад.
Номаи иҷроияро дар ҳар як идораи нотариалӣ тасдиқ кардан мумкин аст. Нотариус ӯҳдадор аст мувофиқи рӯйхати тасдиқ ва пешниҳодгашта ҳуҷҷатҳоеро, ки асоснокии даъворо исбот мекушанд, тафтиш намояд. Номаи иҷроия ба шарте дода мешавад, ки аз рӯи саршавии мӯҳлати даъво 1 сол нагузашта бошад. Агар барои иҷрои даъво мӯҳлати кӯтох муқаррар гардад (камтар аз 1 сол), Номаи иҷроия танҳо дар ҳамин муддат дода мешавад. Баробари ба итмом расидани мӯҳлати муқарраркардаи қонун Номаи иҷроия дода намешавад. Дар чунин ҳолат зарурати ба воситаи суд ё арбитраж ситондан ба миён меояд. Агар идораи нотариалӣ иҷрои Номаи иҷроияро рад кунад, аз болои он ба суди халқӣ шикоят кардан мумкин аст.