Ноқилияти электрӣ

Ноқилияти электрӣ, н о қ и л и я т, хусусияти тахти таъсири майдони электрӣ ҷараёни электриро гузарондани ҷисм, инчунин бузургии физикиест, ки тавсифи миқдории ин хосият мебошад. Бар хилофи изоляторҳо (диэлектриков) ҷисмҳоеро, ки ҷараёни электриро мегузаронанд, ноқилҳo меноманд. Дар ноқилҳо ҳамеша ҳомилони озоди заряд (электронҳо, ионҳхо) мавҷуданд, ки маҳз ҳаракати самтноки (ботартиби) онҳо ҷараёни электрӣ мебошад. Ноқилияти электрии аксари ноқилҳо (металлон, нимноқилҳo, плазма)-ро электронҳо ба вуҷуд меоранд. Ноқилияти электрии ионӣ ба электролитҳо хос аст.