Нитратҳои селлюлоза, нитроселлюлоза, эфирҳои мураккаби нитрати селлюлоза; формулаи умумиашон[СвН702 (О Н) з_г (0N03) х)п, қимати х аз 1 то 3 тағйир ёфта метавонад; массаи сафеди нарми нахдор, ки ба селлюлоза шабоҳат дорад. Хелҳои зерини Нитратҳои селлюлоза аҳамияти амалӣ доранд: коллоксилин (10,7—12,2% N дорад), пироксилин № 1 (13,0 — 13,5%’N дорад), пироксилин № 2 (12,2—12,5% N дорад). Зичии Нитратҳои селлюлоза 1580—1650 килограмм/метр3; дараҷаи миёнаи полимерзасияи коллоксилин 150— 600 (массаи молиаш 37500—150000), пироксилинҳо 1000—2000 (массаи молии 250000—500000) мебошад.
Ҳалшавандагии Нитратҳои селлюлоза ба микдори нитроген вобаста аст; ҳамаи намудҳои Нитратҳои селлюлоза дар асетон нағз ҳал мешаванд, дар об, бензол, чорхлориди карбон, бензин бошад, ҳал намешаванд; аз таъсири кислотаҳои сероби ғайриорганикӣ гидролиз ва аз таъсири ишқорҳо вайрон мешаванд Таҷзияи Нитратҳои селлюлоза дар ҳарорати 40—60° Селсия cap шуда, бо афзудани гармӣ бо таркиш ё афрӯзиш ба анҷом мерасад. Нитратҳои селлюлозаи техникиро дар 20—40% об ё спирт нигоҳ медо- ранд. Таъиноти истифодаи Нитратҳои селлюлозаро аз рӯи фоизи нитроген муайян мекунанд.
Коллоксилинро дар истеҳсоли селлулоид, нитролакҳо, нитроклейҳо, нитроэмалҳо ва пироксилинҳоро дар истеҳсоли борут, динамит ва дигар моддаҳои тарканда кор мефармоянд. Нмтратҳои селлюлоза тез даргиранда мебошанд, бинобар ин алҳол дар истеҳсолот онҳоро бештар ба асетатҳои селлюлоза ва полимерҳои синтезӣ иваз мекунанд.