Нилак (Amorpha), ҷинси растаниҳои буттаӣ ва нимбутта, мансуби лӯбиёиҳо. Барги тоқа-тоқаи паршакли мураккаб, гули майдае дорад, ки дар хӯшагул ҷойгир шудааст. Қариб 20 намудаш дар Америкаи Шимолӣ паҳн шудааст. Аксари намудҳои онро дар боғҳои ботаникии СССР парвариш мекунанд. Аз онҳо A. fru- ticosa чун растании ороишӣ парвариш мешавад. Вай растании буттаӣ (баландиаш то 4 метр) буда, баргҳои кабуди арғувонӣ дорад.