Никелин, колчедани сурхи н и к е л, минерал, арсениди никел NiAs.
Дар таркибаш 43,9% Ni, 56,1 % As ва аксар вақт омехтаҳои СО, Fe, Sb ва ғайра дорад. Дар системаи гексагоналӣ кристалл мебандад, кристаллҳояш камёфт. Одатан массаҳои донадори яклухт ва агрегатҳои гурдамонанд ҳосил менамояд. Равгаш сурхи паст; ҷилояш металлӣ. Сахтиаш 5; зичиаш 7600—7800 кг/м3; мурт. Дар конҳои paгии гидротермалӣ якҷоя бо арсенидҳои никел, кобалт ва висмуту нуқраи холис вомехӯрад. Дар зонаи оксидшави ба осонӣ фарсуда шуда, аз он минерали аннабергит — Ni[AsO4]2 • 8Н2О пайдо мешавад. Конҳои Никел дар СССР (вилояти Кемерово, кишвари Краснодар, РАСС Тува), РДГ, ШМА, Канада маълуманд. Никел маъдани муҳими никел мебошад.