Нематодаи шолӣ, лӯндакирми паразит аз оплан Tylenchidae, ки касалиҳои шолӣ (масалан, урфу)-ро ба вуҷуд меорад. Дарозиаш 0,7—1,2 милиметр (модинааш 0,6—1,1 милиметр). Дар Ҳиндустон (Бангола ва дигар музофотҳо), Миср, мамлакатҳои нимҷазираи Малакка ва ғайра паҳн шудааст. Дар СССР (зараррасони карантинӣ) нест (1978). Дар бари барг, зери пулакчаҳои хуша ва нуқтаҳои сабзиш зиста, бофта ва шираи растаниро мехӯрад. Фасли тобистон се бор насл медиҳад. Қисми зиёди растании касал нобуд шуда, ҳосил хеле паст мешавад. Аз Нематодаи шолӣ асосан навъҳои дерпази кошташавандаи шолӣ зарар мебинад. Касалии афеленхоидоз ё «сафедсарак»-ро дигар Нематодаи шолӣ— Aphelen- choides besseyi ба вуҷуд меорад. Нигаред низ Касалиҳои нематодии растанӣ.
Адабиёт: Кирьянова Е. С., К р а л л ь Э. Л., Паразитические нематоды растений и меры борьбы с ними, том 2, Ленинград , 1971; Деккер’Х., Нематоды растений и борьба с ними, Москва, 1972.