Негатив (лот. negativus — манфӣ);
1) тасвири фотографиест, ки дар он ранги қитъаҳои сиёҳу сафед ва рангаи объект баръакси ранги аслӣ мебошад. Дар Негатив ҷойҳои сафеди объект сиёҳ ва ҷойҳои сиёхи он сафед метобанд. Дар Негативи ранга ранги объект бо ранги иловагиаш (масалан, ранги кабуд бо ранги сурх, ранги сабз бо ранги зард ва ғайра) ифода меёбад;
2) фотопластинкаест, ки тасвираш чаппа мебошад. Барои ҳосил намудани тасвири негативӣ Негативро дар маҳлули махсус зоҳир менамоянд, бо ёрии фиксаж (одатан, бо тиосулфати натрий — NajSjOs) мустаҳкам менамоянд, мешӯянд ва мехушконанд. Баъди дар маҳлули махсус кор кардани Негатив тасвири позитивӣ, яъне тасвири ростаи объект ҳосил мегардад (нигаред Позитив).