Нақша (ар. муаннаси нақш), тасвири аз рӯи қоидаҳои махсус кашидашудаест, ки андозаҳои ҳақиқӣ ва вазъияти нисбии унсурҳои предметро инъикос менамояд (нигаред Геометрияи тасвирӣ). Барои сохтани Нақши предметҳо нуқтаю хатҳо ва баъзе аломатҳои шартию рақамҳоро истифода мебаранд. Бо ёрии Нақш фикри дигаронро дуруст фаҳмидан ва фикри худро саҳеҳ баён кардан мумкин аст. Аз ин рӯ, Нақш яке аз воситаҳои асосии муносибати одамон дар амалиёти саноатии онҳо мебошад ва ҳамчун «забони техника» кор фармуда мешавад.