Нақлиёти санитарӣ

Нақлиёти санитарӣ, нақлиёти махсусест, ки ба воситаи он беморон ва маҷрӯҳонро аз як ҷой ба ҷои дигар мебаранд ё мекӯчонанд; дар замони осоишта ва давраи ҷанг ба аҳолӣ ва ҷанговарон ёрии тиббӣ- профилактикӣ ва тиббӣ-эвакуационӣ мерасонад.

Нақлиёти санитарӣ з а м и н ӣ (автомобил, поезд), ҳавоӣ (самолёт, вертолёт) ва о б ӣ (баҳрию дарёи; киштӣ, катер, теплоход) мешавад. Дар ҳамаи навъҳои Нақлиёти санитарӣ барои беморон ва маҷрӯҳон шароити хуби гигиени муҳайё карда шудааст. Автомобилҳои санитарии махсус бо мизи бардошташаванда, аппаратҳои оксигену наркоз, асбоби хунгузаронӣ, электрокардиограф ва ғайра ҷизоҳонида шудаанд.