Нақлиёт (ар. — воситаи аз ҷое ба ҷои дигар кӯчидан), соҳаи истеҳсолоти моддӣ ва хизматрасонӣ оид ба кашондави бор ва пассажир.
Нақлиёт ду навъ аст: дохилиистеҳсолотӣ ва истифодаи умумӣ. Нақлиёти дохилиистеҳсолотӣ (роҳи оҳан, роҳҳои автомобил, роҳҳои симини овеза, конвейерҳо, транспортёрҳо ва ғайра) ба як ё якчанд корхона хизмат мерасонад. Нақлиёт барои кашондани ашёи хом ва маснуот ба сехҳои истеҳсолот аз як сех ба сехи дигар бурдани масолеҳи нимтайёр ва ба анбор кашондани маҳсулоти тайёр пешбинӣ шудааст. Нақлиёти истифодаи умумӣ барои кашондани воситаҳои меҳнат аз як муассиса ба муассисаи дигар ё аз истеҳсолот ба районҳои истеъмолкунанда бурдани маҳсулоти тайёр ва кашондани пассажир хизмат мекунад.
Нақлиёт чунин хелҳо дорад: нақлиёти автомобилӣ, нақлиёти дарёӣ, нақлиёти трубопроводӣ, нақлиёти poҳu оҳан, нақлиёти ҳавоӣ, нақлиёти баҳрӣ.
Воситаҳои оддии нақлиёт ҳанӯз дар ҷамоаи ибтидоӣ пайдо шудаанд. Нақлиёт дар давраи табаддулоти саноатӣ соҳаи махсуси истеҳсолот гардпд. Дар ибтидои асри 19 воситаҳои механикии Нақлиёт ба вуҷуд омаданд, пароход ва паровозҳо пайдо шуданд. Солҳои 30 асри 19 мамлакатҳои мутараққии саноатӣ (ШМА, Белгия, Франсия, Англия ва дигар) роҳи оҳан доштанд. Соли 1837 дар Россия нахустин роҳи охани Петербург—Сарское Село—Павловск ва 1851 роҳи охани Петербург—Москва (650 км) ба истифода дода шуд.
Дар СССР тамоми намудҳои Нақлиёт умумихалқӣ буда, системаи ягонан нақлиётро ташкил медиҳанд. Дар солҳои Ҳокимияти Советӣ Нақлиёт ба яке аз соҳаҳои асосии хоҷагии халқ табдил ёфт.
Хизмати нақлиётии бештари районҳои Тоҷикистон аз ҷиҳати проблемаи техникӣ хеле мураккаб аст (зиёда аз 9/10 территорияи республикаро кӯҳҳо ишғол кардаанд). Шабакаи роҳҳои Тоҷикистон ниҳоят васеъ аст (255 километрм роҳи оҳани муқаррарӣ, 386 километр роҳи одҳани камбар, қариб 300 километр роҳи обӣ, 13500 километр роҳҳои автомобил, аз он ҷумла 8500 километр роҳи асфалтпӯшу сангфарш, 7100 километр роҳи ҳавоии мадаллӣ).
Соли 1925 сохтмони роҳи оҳани Самсоново— Тирмиз—Душанбе оғоз ёфт. Ба Душанбе нахустин поезд соли 1929 омад. Алоқаи беруна ва байниреспубликавии нақлиётию иқтисодӣ асосан тавассути роҳи оҳани муқаррарӣ, инчунин нақлиёти дарёию ҳавоӣ ба амал бароварда мешавад. Нақлиёти автомобили ва роҳи оҳани камбар дар алоқаи байниреспубликавӣ роли калон мебозанд. Дар дохили республика бор асосан бо роҳи оҳани муқаррарӣ, пассажирон бо нақлиёти ҳавоӣ кашонда мешаванд. Наклиёти автомобилӣ дар кашондани бор ва пассажирони дохили республика низ аҳамияти калон дорад.